Протест на друштвото „Илинден”: Во Албанија ниту имало, ниту има Бугари! Reviewed by Momizat on . Македонско друштво „Илинден“ од Тирана, заедно со разгранокот за Голо Брдо, официјално протестираше, осудувајќи го барањето на бугарските европратеници, Андреј Македонско друштво „Илинден“ од Тирана, заедно со разгранокот за Голо Брдо, официјално протестираше, осудувајќи го барањето на бугарските европратеници, Андреј Rating:

Протест на друштвото „Илинден”: Во Албанија ниту имало, ниту има Бугари!

Протест на друштвото „Илинден”: Во Албанија ниту имало, ниту има Бугари!

Македонско друштво „Илинден“ од Тирана, заедно со разгранокот за Голо Брдо, официјално протестираше, осудувајќи го барањето на бугарските европратеници, Андреј Ковачев и Ангел Џамбаски, за признавање на „бугарско малцинство“ во Република Албанија.

„Македонско друштво „Илинден“ ги отфрла тврдењата на бугарските претставници во ЕП, дека во Албанија има Бугари, како груб фалсификат на историјата и на вистината. Во регионите Голо Брдо, Преспа, Гора, како и на цела територија на Република Албанија, ниту имало ниту има Бугари. Tака било и така и ќе остане“, се вели во соопштението.

Тие ги осудија и активностите на бугарската држава, во обидите, како што велат, за фалсификат на историјата.

„Бугарија, продавајќи бугарски пасоши на етничките Македонци, се обидува да „произведе“ Бугари во Албанија, кои ги нема. Бараме од албанската, но и од македонската влада, да го осудат овој чин на бугарските претставници во Европскиот парламент и да побараат Македонците од Албанија да не бидат злоупотребувани за стопирање на патот на Албанија кон интеграциските процеси во ЕУ“, се додава во соопштението.

© 2017 Матица на иселниците од Македонија

Scroll to top